Family Pack: తనదైన కామిక్ టైమింగ్తో అలరించే హీరో శ్రీ విష్ణు కొత్త సినిమా టైటిల్, ఫస్ట్ లుక్, మోషన్ పోస్టర్లను వినాయక చవితి సందర్భంగా మేకర్స్ విడుదల చేశారు. ‘సామజవరగమన’ విజయం తర్వాత దర్శకుడు రామ్ అబ్బరాజు, శ్రీ విష్ణు కాంబినేషన్లో వస్తున్న ఈ ద్వితీయ చిత్రానికి ‘ఫ్యామిలీ ప్యాక్’ అనే ఆసక్తికరమైన టైటిల్ను ఖరారు చేశారు.
ఈ చిత్రాన్ని మైత్రీ మూవీ మేకర్స్ బ్యానర్పై నవీన్ యెర్నేని, వై. రవి శంకర్ నిర్మిస్తున్నారు. సాక్షి మధోల్కర్ హీరోయిన్గా నటిస్తోంది. మల్టీ స్టోరీ భవనంపై నుంచి శ్రీ విష్ణు పడుతుండగా, నరేష్ వీకే, అభిరామి, సాక్షి సహా కుటుంబ సభ్యులు చూస్తున్నట్లుగా ఉన్న వైబ్రెంట్ ఫస్ట్ లుక్ పోస్టర్ నవ్వులు పూయిస్తోంది. చుట్టూ ఎగురుతున్న కరెన్సీ నోట్లు, సూట్కేస్ కథలో డబ్బు ప్రాధాన్యతను తెలియజేస్తున్నాయి.
చైతన్ భరద్వాజ్ సంగీతం, జె. యువరాజ్ సినిమాటోగ్రఫీ అందిస్తున్న ఈ చిత్రానికి భాను భోగవరపు, నందు స్క్రీన్ప్లే, సంభాషణలు సమకూర్చారు. ఈ పూర్తి స్థాయి వినోదాత్మక చిత్రాన్ని సంక్రాంతి 2027లో ప్రేక్షకుల ముందుకు తీసుకురానున్నట్లు చిత్రబృందం ప్రకటించింది.
