Municipal Elections: ఆంధ్రప్రదేశ్‌లో పట్టణ స్థానిక సంస్థల (మున్సిపల్) ఎన్నికల్లో నామినేషన్ల సమర్పణ వేళ చోటుచేసుకున్న హింసాత్మక సంఘటనలు మరియు ఆటంకాలపై దేశ అత్యున్నత నాయస్థానం సుప్రీంకోర్టు సంచలన ఆదేశాలు జారీ చేసింది.
నామినేషన్ పత్రాలను చింపేశారని, అభ్యర్థులను భౌతికంగా అడ్డుకున్నారని వైఎస్సార్‌సీపీ దాఖలు చేసిన పిటిషన్‌పై విచారణ జరిపిన ధర్మాసనం.. హింస చోటుచేసుకున్నట్లు ఫిర్యాదులు అందిన 19 మున్సిపాలిటీల పరిధిలో పరిస్థితులను పునఃసమీక్షించి, నామినేషన్ల గడువు పెంపు మరియు అదనపు ఏర్పాట్లపై రాష్ట్ర ఎన్నికల సంఘం (SEC) తక్షణమే నిర్ణయం తీసుకోవాలని ఆదేశించింది.
అభ్యర్థులకు రక్షణ కల్పించాలి – అక్టోబర్ 25 వరకు తుది జాబితా ప్రకటనపై స్టే:
అభ్యర్థుల రాజ్యాంగ హక్కుల పరిరక్షణ మరియు నిష్పాక్షిక ఎన్నికల నిర్వహణ అత్యంత కీలకమని స్పష్టం చేసిన సుప్రీంకోర్టు, పోటీ చేసే వైఎస్సార్‌సీపీ మరియు ఇతర అభ్యర్థులకు తగిన రక్షణ కల్పించాలని ఏపీ డీజీపీని మరియు ఎస్పీలను ఆదేశించింది. జిల్లా కేంద్రాల్లో కలెక్టర్ల పర్యవేక్షణలో అదనపు నామినేషన్ స్వీకరణ కేంద్రాల ఏర్పాటు ప్రతిపాదనను పరిశీలించాలని ఎస్‌ఈసీకి సూచిస్తూ.. అక్టోబర్ 25వ తేదీ వరకు అభ్యర్థుల తుది జాబితాను ప్రకటించవద్దని ఆదేశించింది. ప్రజాస్వామ్య సూత్రాలకు అనుగుణంగా ఎన్నికల ప్రక్రియ సాగేలా పర్యవేక్షించాలని స్పష్టం చేసింది.
