మనోజ్ కుమార్ దర్శకత్వంలో మహారత్న ప్రొడక్షన్స్, ఎస్.కే పిక్చర్స్, వనిల్లా ఎంటర్‌టైన్‌మెంట్స్ బ్యానర్లపై చందు శ్రీనివాస్, సురేష్ కొండేటి, మమత దేవేంద్ర ఎం సంయుక్తంగా నిర్మించిన చిత్రం ‘ప్రేమనే ఊరిలో’. శ్రీ రామ్, రామికా శివు, తపస్విని పూణచ్చ ప్రధాన పాత్రల్లో నటించిన ఈ సినిమా ఇటీవలే ప్రేక్షకుల ముందుకు వచ్చి విజయవంతంగా ప్రదర్శితమవుతోంది. అన్ని వర్గాల ప్రేక్షకుల నుంచి వస్తున్న ఆదరణతో చిత్రయూనిట్ హైదరాబాద్‌లో గ్రాండ్ సక్సెస్ / థాంక్స్ మీట్‌ను నిర్వహించింది. ఈ కార్యక్రమానికి డైలాగ్ కింగ్ సాయికుమార్ ముఖ్య అతిథిగా హాజరయ్యారు.
మా మట్టి సినిమా, మన ఊరి సినిమా: డైలాగ్ కింగ్ సాయికుమార్ కార్యక్రమంలో డైలాగ్ కింగ్ సాయికుమార్ మాట్లాడుతూ — “‘ప్రేమనే ఊరిలో..’ ఇప్పటికే మంచి విజయాన్ని సాధించి ప్రూవ్ చేసుకున్న సినిమా. ఇది ప్రతి ఒక్కరూ ప్రేమించే, ఎక్స్‌పీరియన్స్ చేసే మన మట్టి సినిమా, మన ఊరి సినిమా. నేను త్వరలోనే ఈ చిత్రాన్ని థియేటర్లలో ప్రేక్షకులతో కలిసి చూస్తాను. ఇందులో చెట్టు ప్రాముఖ్యత, రైతు గొప్పదనం గురించి గొప్ప మెసేజ్ ఇచ్చారు. నటీనటులంతా అద్భుతంగా నటించారు. ఈ సినిమా అందరినీ కదిలిస్తుంది, తప్పకుండా ప్రతి ఒక్కరూ థియేటర్లలో చూసి పెద్ద బ్లాక్ బస్టర్ చేయాలి” అని అన్నారు.
సాయికుమార్ ఆశీస్సులు దక్కడం సంతోషం: హీరో శ్రీరామ్ హీరో శ్రీరామ్ మాట్లాడుతూ — “సాయికుమార్ గారి వంటి పెద్దల ఆశీస్సులు మా సినిమాకు దక్కడం చాలా సంతోషంగా ఉంది. ఆయన చెప్పిన మాటలను మనసులో చిరకాలం దాచుకుంటాం. ఆదరిస్తున్న తెలుగు ప్రేక్షకులకు ధన్యవాదాలు, ఇది యూత్ తో పాటు ఫ్యామిలీ ఆడియెన్స్ అందరికీ నచ్చే చిత్రం” అని చెప్పారు.
తెలుగు ఆడియెన్స్ రెస్పాన్స్ హ్యాపీగా ఉంది: హీరోయిన్ తపస్విని పూనాచా హీరోయిన్ తపస్విని పూనాచా మాట్లాడుతూ — “థియేటర్ విజిట్స్ చేసినప్పుడు ప్రేక్షకుల నుంచి వచ్చిన రెస్పాన్స్ చూసి చాలా ఆనందపడ్డాం. కర్ణాటకలో సాధించిన విజయాన్నే తెలుగులోనూ ఈ చిత్రం రీక్రియేట్ చేస్తోందని ఆశిస్తున్నాం” అన్నారు.
సినిమాపై సురేష్ కొండేటి గారు కాన్ఫిడెన్స్ ఇచ్చారు: నిర్మాత మమత దేవేంద్ర నిర్మాత మమత దేవేంద్ర మాట్లాడుతూ — “తెలుగులో రిలీజ్ చేయడానికి సురేష్ కొండేటి గారిని కలిసినప్పుడు, సినిమా చూసి ఆయన ఇచ్చిన పాజిటివ్ రెస్పాన్స్ మాకు ఎంతో ధైర్యాన్ని ఇచ్చింది. ప్రేక్షకులు చూపిస్తున్న ఆదరణకు కృతజ్ఞతలు” తెలిపారు.
నమ్మకాన్ని నిజం చేసిన తెలుగు ప్రేక్షకులు: నిర్మాత సురేష్ కొండేటి నిర్మాత సురేష్ కొండేటి మాట్లాడుతూ — “ఫ్యామిలీ ఆడియెన్స్‌కు బాగా కనెక్ట్ అవుతుందనే మా నమ్మకాన్ని తెలుగు ప్రేక్షకులు నిజం చేశారు. రెస్పాన్స్ బాగుండటంతో థియేటర్లు, స్క్రీన్లను పెంచాం. కరోనా తర్వాత సినిమా బిజినెస్ డైనమిక్స్ మారిన నేపథ్యంలో ఇలాంటి సక్సెస్ ఎంతో ఉత్సాహాన్నిస్తుంది” అన్నారు.
మాకు గౌరవాన్ని తీసుకొచ్చిన చిత్రం: నిర్మాత చందూ శ్రీనివాస్ నిర్మాత చందూ శ్రీనివాస్ మాట్లాడుతూ — “సాయికుమార్ గారు వచ్చి అందించిన సపోర్ట్ మర్చిపోలేం. సినిమా చూసి ప్రేక్షకులు ఎమోషనల్ అవుతున్నారు. మంచి సినిమా చేశామనే గౌరవాన్ని ఈ చిత్రం మాకు తెచ్చిపెట్టింది” అని తెలిపారు.
నటీనటులు: రంగాయణ రఘు, శ్రీరామ్, తపస్విని పూనాచా, రమిక శివు తదితరులు.
సాంకేతిక నిపుణులు:
-
కథ, స్క్రీన్ ప్లే, దర్శకత్వం: మనోజ్ కుమార్
-
నిర్మాతలు: చందు శ్రీనివాస్, సురేష్ కొండేటి, మమత దేవేంద్ర ఎం
-
డీవోపీ: రాజ్‌కాంత్ ఎస్. కె
-
ఎడిటర్: హర్షిత్ ప్రభు
-
క్రియేటివ్ ప్రొడ్యూసర్: దేవేంద్ర ఎం
-
అసోసియేట్ డైరెక్టర్: శృతి మైదల
-
క్రియేటివ్ సపోర్ట్: హేమ మనోజ్ మైదల
